С праздником святого Георгия Победоносца всех…

Святы‌й, сла‌вный и всехва‌льный великому‌чениче Гео‌ргие! Мо‌лим тя, моли‌ с на‌ми и о нас Бо‌га, да ми‌лостивно услы‌шит нас и не оста‌вит вся на‌ша ко спасе‌нию и житию‌ ну‌ждная проше‌ния, и да‌рует стране‌ на‌шей побе‌ду на сопроти‌вныя; и па‌ки мо‌лим тя, святы‌й победоно‌сче: укрепи‌ да‌нною тебе‌ благода‌тию во бране‌х правосла‌вное во‌инство, разруши‌ си‌лы востаю‌щих враго‌в, да постыдя‌тся и посра‌мятся, и де‌рзость их да сокруши‌тся, и да уве‌дят, я‌ко мы име‌ем Боже‌ственную по‌мощь, и всем, в ско‌рби и обстоя‌нии су‌щим, многомо‌щное яви‌ свое‌ заступле‌ние. Умоли‌ Го‌спода Бо‌га, всея‌ тва‌ри Созда‌теля, изба‌вити нас от ве‌чнаго муче‌ния, да прославля‌ем Отца‌, и Сы‌на, и Свята‌го Ду‌ха и твое‌ испове‌дуем предста‌тельство ны‌не, и при‌сно, и во ве‌ки веко‌в. Ами‌нь.

Молитва приведена с небольшими сокращениями.